Exteriur - Germania fa pli rigurus il dretg d’asil
Il parlament tudestg ha approvà pliras midadas dal dretg d'asil. Quai malgrà la critica ord las retschas da l'opposiziun e d'organisaziuns per la defensiun dals dretgs umans.
Cun questas mesiras vul il parlament accelerar las proceduras d'asil e pussibilitar da bajegiar pli spert alloschis d'asil. Ultra da quai è previs in agid finanzial da milliardas per las regiuns pertutgadas aifer la Germania.
Damaun sto anc il Cussegl federal tudestg decider davart la lescha.
