Siglir tar il cuntegn

Header

cuntegn

Germania Donns da radund 7 milliardas suenter malauras dal fanadur

En Germania han las grevas malauras dal fanadur probabel chaschunà donns da radund 7 milliardas euros.

Passa in tschintgavel da quellas 7 milliardas, vul dir 1,5 milliardas euros, han las assicuranzas gia pajà or als pertutgads. Quai ha il mainafatschenta da l'economia da segirada tudestga ditg en in'intervista cun il «Redaktionsnetwerk Deutschland».

Radund ina milliarda saja vegnida pajada or a privats, ina mesa milliarda a fatschentas - er bleras fatschentas pitschnas e masaunas. En tut sajan var 16'000 collavuraturs e collavuraturas d'assicuradas stads en acziun en la regiun pertutgada. Las assicuranzas hajan registrà passa 250'000 donns singuls, da quai be 50'000 autos demolids.

L'aua gronda en il vest ed il sid è stada la pli nauscha catastrofa da la natira dal pajais dapi decennis en Germania.

RTR novitads 12:00

Artitgels legids il pli savens

Scrollar a sanestra Scrollar a dretga