Siglir tar il cuntegn
Inhalt

Exteriur Germania: Acziun gronda da polizia

En Germania fa la polizia federala la pli gronda razzia en sia istorgia.

Razzia Germania.
Legenda: Pli che 100 persunas èn vegnidas arrestadas. Keystone

En la Germania èn pli che 1'500 polizists en acziuns per ina razzia naziunala cunter la «Rotlicht-Bande». Enfin uss èn radund 100 persunas vegnidas arrestadas e set cumonds d'arrest executads. Blers dals arrestads èn vegnids chattads ed burdels e salons da massage.

Als inculpads vegn tranter auter renfatschà commerzi cun persunas en connex sexual ed abus sexual da prostituadas, ha in pledader da la polizia confermà. Ina part dals criminals duai avair transportà pliras tschient dunnas da la Tailandia en l'Europa ed avair sfurzà ellas a la prostituziun.

Rotlicht-Bande

Il coc da la banda èn probablamain 15 enfin 20 persunas cun naziunalitad germana u tailandaisa.

Las razzias han cumenzà la mesemna damaun e vegnan a cuzzar almain enfin mezdi. Ellas valan sco las pli grondas razzias en l'istorgia.

RR novitads 09:00