Siglir tar il cuntegn
Inhalt

Exteriur Geraldine Maras è la meglra confisiera dal mund

La grischuna Geraldine Maras è vegnida undrada a Paris sco meglra confisiera dal mund. Ella è vegnida sco suletta dunna tranter ils 10 finalists als uschenumnads World Chocolate Masters.

Chefchocolatier Geraldine Maras
Legenda: Cailler Chefchocolatier Geraldine Maras als World Chocolate Masters a Paris. Photopress/Thibault Camus

Geraldine Maras che deriva oriundamain da Flem ha persvadì cun ina tschigulatta da bunamain 2 meters autezza e cun pralinas exquisitas. Sin plaz 1 dals confisiers è vegnì il Franzos Vincent Vallée.

La concurrenza ha gì lieu per la 6avla giada e steva sut il motto «Inspiration from Nature». En il salon du chocolat a Paris han cumbattì en tut 20 chocolatiers e confisiers da l'entir mund durant 3 dis per il titel dal campiun mundial da tschigulatta.

RR novitads 12:00