A Genevra restia mo restia in pitschen team sco colliaziun cun l'incumbensà spezial da l'ONU per la Siria, Staffan de Mistura. Autras gruppas da l'opposiziun sa participeschan para vinavant a discurs cun de Mistura.
Tar attatgas en il nord da la Siria èn mortas ier almain 44 persunas. Tenor l’observatori sirian dals dretgs umans (OSDH) ha l’armada siriana bumbardà dus martgads en la provinza d’Idleb en il nord-ost da la Siria.
I sa tractia da dus da las attatgas pli sanguinusas dapi ch’il armistizi en Siria haja cumenzà la fin da favrer. L’armistizi na vala betg en tut las regiuns – numnadamain là betg, nua ch’il stadi islam SI u la part siriana da l’Al-Qaiida, il frunt Al-Nusra, han la controlla.
RR novitads 06:00