Siglir tar il cuntegn

Exteriur GB: restar en l'UE u betg

La chombra dals deputads britannica è persuenter da far in referendum, schebain il pajais veglia restar en l'Uniun Europeica u betg. Cun 316 cunter 53 vuschs ha ella dà suatientscha al plan dal primminister David Cameron, da far enfin la fin dal 2017 ina votaziun correspundenta.

David Cameron, davos tiers dus parlamentaris
Legenda: La maioritad dal parlament è per il plan da David Cameron Keystone

Uss sto anc la chombra dals Lords tractar la fatschenta. Cameron ha declerà ch'el veglia tegnair ses pajais en l'UE. La rolla da la Gronda Britannia entaifer l'UE stoppia dentant vegnir definida da nov.

In enquista da l'institut Survation ch'è vegnida publitgada la dumengia mussa che dapli Brits èn per la sortida da l'UE (43%) che per restar (40%). 17% n'eran anc betg segirs. Vitiers han 22% dals adherents per restar en l'UE inditgà da midar maini sche la crisa da fugitivs daventa pli critica.

RR novitad 06:00