Ils Stadis Unids e la Gronda Britannia hajan ensemen definì da nov il mund modern. Il temp nua ch'ils dus pajais intervegnian en stadis suverans saja ussa a fin.
Avant ses inscunter cun il president american Donald Trump ha la primministra avertì ils Stadis Unids da l’America da memia bia vischinanza tar la Russia. En ses pled a Philadelphia ha ella recumandà da sa laschar en cun Moscau dentant da far attenziun. Plinavant ha ella accentuà l’impurtanza da las organisaziuns internaziunalas sco la NATO, la ONU e la banca mundiala. Las Naziuns Unidas stoppian vegnir refurmadas, ellas restian denant fundamentalas. La NATO saja ina pitga dal vest.
A medem temp ha May er fatg reclama per ina cunvegna da commerzi bilaterala tranter ils dus pajais. Theresa May s'inscuntra venderdi sco emprima scheffa da la regenza cun Trump.
RR actualitad 06:00