Gategroup cumpra Servair

Il furnitur da nutriment per aviuns Gategroup expandescha en Frantscha. El cumpra il furnitur da nutriment Servair ch'è in'unitad da la Air France.

In camiun dal concern Gategroup chargia gist sias mangiativas en in aviun da la Swiss.

Legenda da maletgs: Il concern da catering per aviuns Gategroup vegn pli grond. Keystone

Davent da l'emprim da schaner 2017 surpiglia Gategroup stgars 50% da Servair. Il pretsch da cumpra munta a 252,3 milliuns francs.
Il 2015 aveva Gategroup fatg ina svieuta da 3,3 milliuns francs – Suenter l’acquist da la firma franzosa quinta Gategroup cun ina svieuta annuala da radund 4,4 milliuns francs.
Il concern Gategroup ch'era in concern svizzer era vegnì vendì quest onn al concern chinais HNA.

En il futur vegn Gategroup ad esser preschent sin 200 plazzas aviaticas en 50 pajais. Cun passa 39'000 collavuraturs vul il concern servir passa 300 societads aviaticas.

RR novitads 9:00