Siglir tar il cuntegn

Header

cuntegn

Exteriur Gabriel en Tirchia

Ils parlamentaris da la Germania na dastgan vinavant betg visitar ils schuldads tudestgs sin la basa militara ad Incirlik en Tirchia.

L'emprova da schliar la dispita tranter la Tirchia e la Germania ha fatg naufragi. Ils parlamentaris tudestgs na dastgan vinavant betg visitar ils passa 200 schuldads tudestg sin la basa militara d'Incirlik en Tirchia. Quai ha decis la regenza tirca. Uschia vegnia la Germania bain a retrair ses schuldads da la basa ha ditg il minister da l’exteriur da la Germania, Sigmar Gabriel suenter dicurs en Tirchia.

La Tirchia aveva scumandà a parlamentaris tudestgs da visitar la basa militara, perquai che la Germania aveva dà asil a schuldads tircs. La regenza tirca ad Ankara pretenda che quels offiziers sajan stads involvids a la tentativa da far in putsch en Tirchia la stad passada.

RR novitads 12:00

Artitgels legids il pli savens