Siglir tar il cuntegn
Inhalt

Exteriur G7 pretendan ina Russia pli cooperativa

La gruppa da stadis industrials G7 pretenda da la Russia dapli cooperaziun per schliar il conflict en Siria. La Russia stoppia surpigliar dapli responsabladad. Quai ha ditg il minister da l'exteriur franzos a l'inscunter suprem a Lucca en Italia.

otg persunas da la politica poseschan per ina fotografia
Legenda: Ils represchentants dals set pli gronds pajais industrials dal mund. Keystone

Plinavant sajan ils stadis da l'opiniun ch'il president Baschar al-Assad na dastgia betg esser part dal futur da la Siria. Ils ministers da l'exteriur èn però er dal maini che novas sancziuns cunter la Russia na sajan nagin med effectiv per cuntanscher lur finamiras, ha ditg il minister da l'exteriur talian, Angelino Alfano.

L'inscunter dals pajais G7 è a Lucca en l'Italia. Tar la gruppa G-7 tutgan ils Stadis Unids, la Germania, l’Italia, la Frantscha, la Gronda Britannia, il Canada ed il Giapun.

RR novitads 14:00