En il Giapun ha ina dretgira sentenzià tschintg anteriurs manaders dal concern d'energia Tepco pervi da la catastrofa dal reactur en l'ovra atomara Fukushima. Els duain pajar a l'interpresa ina indemnisaziun da donns da circa 95 milliardas dollars americans. Acziunaris da Tepco avevan purtà plant. Igl è l'emprima giada che managers da Tepco èn vegnids condemnads d'indemnisar ils donns. La sentenzia n'ha anc betg vigur legala.
2011 aveva in terratrembel ferm en la mar chaschunà in tsunami. Quel ha tutgà l'ovra atomara da Fukkushima. Sco consequenza hai dà ina fusiun en il reactur nuclear che ha chaschunà ina da las pli severas catastrofas nuclearas da l'istorigia.