Fugitivs sparids avant insla greca

Avant l'insla greca Lesbos valan 26 fugitivs sco sparids suenter che lur bartga è cupitgada. 20 ulteriuras persunas hajan pudì vegnir salvadas.

La costa da l'insla greca Lesbos.

Legenda da maletgs: Avant paucs dis eran almain 34 fugitivs morts, cura ch'ina batga aveva fatg naufragi sin la Mar Egeica. Reuters

Cun bastiments e helicopters vegnia tschertgà ulteriurs fugitivs. Quai scriva l'agentura da novitads ANA.

Suenter appels en l'internet d'evitar la via privlusa en bartgas da la Tirchia vers la Grezia eran blers fugitivs ids l'emna passada vers il cunfin serrà tranter ils 2 pajais. Là avevi dà confruntaziuns cun la polizia tirca.

RR novitads 11:00