Siglir tar il cuntegn
Inhalt

Exteriur Frontex: Sustegn a fugitivs promova ils criminals

La Frontex - l’agentura per la protecziun dals cunfins da l’UE - crititgescha las acziuns da salvament d’organisaziuns d’agid davant la costa da la Libia.

Ina bartga plaina amez la mar.
Legenda: Millis e millis da persunas ristgan lur vita per pudair traversar la Mar Mediterrana. Keystone

Las organisaziuns d'agid na duajan betg sustegnair las activitads da cuntrabandists da persunas cun salvar ils migrants adina pli datiers da la costa libiana. Quai ha ditg il schef da la Frontex Fabrice Leggeri envers la gasetta «Die Welt».

Questa strategia fetschia mo ch’ils traffitgants dad umans empleneschian lur bartgas falombras cun adina dapli persunas e quai senza avunda aua u carburant.

Frontex na vegn betg pli en contact cun infurmaziuns

Las davosas emnas hajan las organisaziuns d'agid fatg 40 pertschient da las acziuns per salvar migrants. La critica è drizzada directamain a quellas organisaziuns ch’opereschan davant la costa da la Libia. La Frontex salva da strusch da l’Italia ed en la mar egeica da strusch da la Grezia, ma na betg en vischinanza da la costa libiana.

En pli saja la collavuraziun cun las organisaziuns betg buna. Lur intervenziuns rendian pli difficil da survegnir infurmaziuns davart las raits dals traffitgants e da coordinar las acziuns cunter els.

RR novitads 10:00+