Siglir tar il cuntegn
Inhalt

Exteriur Frantscha vul prolungar il stadi d’urgenza

Pervi dal Pervi dal campiunadi europeic da ballape vul la regenza franzosa prolungar il stadi d'urgenza fin viaden en la stad. L'ultim pled en chaussa ha però il parlament.

Dus schuldads avant la tour Eiffel.
Legenda: La Frantscha tema vinavant ch’i pudess dar attatgas islamisticas. Reuters

Il stadi d'urgenza ch'era vegnì proclamà suenter las attatgas a Paris il november, duai vegnir prolungà per 2 mais suenter la fin da matg, quai ha declerà il primminister franzos Manuel Valls.

Il campiunadi europeic cuzza dals 10 da zercladur fin ils 10 da fanadur. Il parlament da la Frantscha sto anc approvar la prolungaziun dal stadi d'urgenza che dat a las autoritads cumpetenzas cumplessivas per cumbatter il terrorissem.

La Frantscha tema vinavant ch’i pudess dar attatgas islamisticas, quai surtut durant il campiunadi europeic.

RR novitads 10:00