Siglir tar il cuntegn

Header

Navigaziun

michel sapin
Legenda: A l'ur da la sessiun plenara da Banca mundiala e Fondo monetar internaziunal ha il minister da finanzas franzos Michel Sapin empermess da pajar ils daivets tar ils chantuns svizzers. Keystone
cuntegn

Exteriur Frantscha vul pajar enavos ils milliuns da taglias da cunfinaris

La Frantscha vul para pajar enavos a la Svizra ils milliuns da daners da taglia da cunfinaris; quai proximamain.

En in discurs cun la cussegliera federala Eveline Widmer-Schlumpf haja il minister da finanzas franzos, Michel Sapin, concedì che la Frantscha vegnia a transferir ils daners aifer ils proxims dis. Quai conferma il departament federal da finanzas.

Frantscha ha da restituir als chantuns dals cunfinaris

Ir, vai per daners da taglia che la Frantscha retira da cunfinaris franzos che lavuran en Svizra. La Frantscha sto restituir a la Svizra 4,5% da la summa da salari dals cunfinaris franzos che lavuran en Svizra. Sulet il chantun Vad avess da bun passa 100 milliuns francs. Il Giura pretenda 20 milliuns. Il 2014 sa tractava quai da total 292 milliuns francs per ils chantuns:

  • Basilea CitadVad
  • Basilea MuntognaVallais
  • Berna
  • Giura
  • Neuschatel
  • Soloturn

Genevra fa cuntrari - e restituescha a la Frantscha

Sco sulet chantun svizzer ha Genevra la pratica cuntraria. Là incassescha il chantun la taglia dals cunfinaris al lieu da la lavur. Suenter restituescha Genevra la summa necessaria a la Frantscha.

RR novitads 15:00