Siglir tar il cuntegn
Inhalt

Exteriur Frantscha vul attatgar SI ord l'aria

La Frantscha prepara attatgas or da l'aria cunter basas da la milissa terroristica Stadi Islamic (SI) en la Siria. Il president François Hollande haja incumbensà il minister da defensiun da far sgols da scleriment sur la Siria. Quels duain cumenzar gia il mardi.

Aviun da cumbat dal tip Dassault Mirage 2000D.
Legenda: Tenor Hollande saja il SI cun sias «mazzacras» responsabel per la fugia da «millis famiglias» ord la Siria e l'Irac. Keystone

Tut tenor las infurmaziuns rimnadas saja la Frantscha pronta d'attatgar. In engaschi da truppas terrestras franzosas na saja dentant betg realistic, ha ditg Hollande.

Success dal SI legitimescha attatgas or da l'aria

L’aviatica militara franzosa s’engascha dapi bunamain 1 onn ad attatgas d’ina coaliziun guidada dals Stadis Unids cunter truppas dal SI en l’Irac. Entant ch’ils Stadis Unids avevan gia attatgà la Siria, era Paris stà cunter in engaschi militar cun aviuns en il pajais.

Hollande ha argumentà la midada da curs cun ils success dal SI ils 2 onns passads. Plinavant ha Hollande pledà per ina soluziun politica cuminaivla en il conflict da la Siria. El pensia als Stadis dal Golf, a la Russia ed a l’Iran.

RR novitads 16:00