Siglir tar il cuntegn

Exteriur Frantscha serra 3 moscheas

Anc mai ha ina regenza franzosa prendì talas mesiras pervi da radicalisaziun da tschertas gruppaziuns.

Schuldas patruglieschan davant ina moschea en la citad da Lyon.
Legenda: Schuldas patruglieschan davant ina moschea en la citad da Lyon. Reuters

Suenter las attatgas da Paris ils 13 da november 2015 han las autoritads franzosas serrà 3 moscheas. Il minister franzos da l'intern Bernard Cazeneuve ha discurrì oz a Paris dad operaziuns encunter predicaturs dad odi ed uniuns pseudo-culturalas.

Duas moscheas sajan gia vegnidas serradas l'emna passada en las citads da Lyon e da Gennevilliers. En ina moschea ch'è vegnida serrada oz a Paris han ins intercurrì 2235 localitads e mess 9 persunas radicalisadas sut arrest da chasa. 263 suspectads èn vegnids arrestads e 334 armas vegnidas confiscadas.

Pussiblas èn quellas mesiras pervi dal stadi urgenza ch'era vegnì proclama en consequenza da las attatgas terroristicas cun 130 unfrendas.

RR novitads 18:00