Siglir tar il cuntegn
Inhalt

Exteriur Frantscha s'exprima europeica, ils Stadis Unids provocants

Las testas dals stadis han inaugurà il nov onn – cun pleds smanatschants ed appels.

Emmanuel Macron.
Legenda: Il 2018 duai per Emmanuel Macron esser in onn europeic. Keystone
  • Il president franzos Emmanuel Macron è en ses pled da Bunmaun s'exprimia che l'Europa stoppia puspè avair las ambiziuns da promover projects gronds. Ins stoppia puspè chattar l'ambiziun europeica. «L'onn 2018 vegn in onn spezial e jau vegn a duvrar Vus.»
  • La testa dals Stadis Unids Donald Trump ha giavischà in bun onn nov a ses amis, inimis e schizunt a las medias da fake-news nunsinceras via Twitter.
  • En la Corea dal Nord ha Kim Jong-Un nizzegià la chaschun per communitgar ch'il buttun d'atom saja adina sin sia maisa. Ils Stadis Unids stoppian esser conscients che quai na saja betg ina smanatscha mabain ina realitad. E la Corea dal Nord veglia avanzar il rearmament atomar.
  • La chanceliera germana Angela Merkel vul il 2018 sa stentar per ina regenza stabila. Plinavant veglia la Germania collavurar cun ses vischin per «far fitta l'Europa» per il futur.
  • Primministra Theresa May ha en ses pled da Bunmaun discurrì d'ina sortida da l'Uniun europeica cun success, d'in rinforzament da l'economia e dad ina societad ch'è gista per tuts.
  • Il president talian Sergio Mattarella ha fatg in appel als votants: El giavischa dapli participaziun a l'urna. Cunzunt spera el ch'ils Talians giajan a votar ils 4 da mars tar l'elecziun dal parlament.

RR novitads 06:00