Siglir tar il cuntegn
cuntegn

Exteriur Frantscha rinforza lescha d'asil e d'immigraziun

L’assamblea naziunala en Frantscha ha approvà la midada per rinforzar la lescha d’asil e d’immigraziun, suenter ina debatta da maraton da 61 uras.

Purtret d'Emmanuel Macron.
Legenda: Emmanuel Macron, il president franzos. Keystone

En la votaziun finala han 228 parlamentaris votà per la midada e 139 eran encunter quella. Era en la partida dal president franzos Emmanuel Macron hai dà plirs parlamentaris che n'han betg vulì la lescha nova ed han alura votà encunter.

Cun las midadas duajan dumondas d’asil vegnir elavuradas pli spert ed i duai esser pussaivel d’agir pli strict encunter l'immigraziun illegala. Era pon uss migrants illegals vegnir arrestads 90 dis, quai è il dubel da fin uss. E per vegnir illegalmain sur ils cunfins franzos poi dar fin ad in onn praschun.

Pliras organisaziuns per dretgs umans crititgeschan quella lescha nova. Uss ha il senat, la combra pitschna en Frantscha da tractar il zercladur la lescha nova, en lez ha l’opposiziun dal center e da la dretga la maioritad.

RR novitads 06:00