Frantscha publitgescha app per alarm da terror

Bun dus dis avant l’avertura dals campiunadis da ballape en Frantscha ha il minister dal intern franzos publitgà ina app per il telefonin che duai en il cas d’ina attatga da terror avertir ed infurmar.

in telefonin

Legenda da maletgs: Instrument nizzaivel u sulet placebo? - la applicaziun per alarmar da terror www.gouvernement.fr

Punctualmain sin il campiunadi europeic da ballape ha il ministeri da l'intern da la Frantscha preschentà in app gratuit per il telefonin che duai avertir d'attatgas terroristicas. Era tar grevas disgrazias pon vegnir distribuids avertiments, uschia fa a savair il ministeri da l'intern. Las annunzias vegnan tramessas sulet a questas persunas che sa chattan en il territori pertutgà. Vitiers cuntegn l'applicaziun cussegls co sa cuntegnair en las differentas situaziuns da privel.

L’app datti en franzos ed englais ella è gratuita e duai cumplettar ils avertiments via sirenas e autpledaders.

RR novitads 18:00