Il minister d'economia franzos Emmanuel Macron haja infurmà ses collavuraturs l'avantmezdi, communitgescha il ministeri. Cun la demissiun formala vegn fatg quint en il decurs dal suentermezdi. Medias franzosas speculeschan ch'el haja ambiziuns da candidar per las elecziuns presidenzialas da la primavaira che vegn.
L'anteriur banker era vegnì elegì sco minister da l'economia avant circa 2 onns. El era adina puspè sa distanzià dal president François Hollande e dal schef da la regenza Manuel Valls.
RR novitads 14:00