Siglir tar il cuntegn
cuntegn

Exteriur Frantscha haja mussaments per diever d'armas chemicas en Siria

La Frantscha ha tenor il president Emmanuel Macron mussaments ch'il reschim sirian da Baschar Al-Assad haja duvrà la fin d'emna passada armas chemicas en la citad da Duma.

Purtret da Merkel ed davantvart Macron.
Legenda: Macron vul anc decider, Merkel di definitivamain na da vulair attatgar la Siria. Keystone

En ina intervista ha Macron ditg che ses pajais vegnia a decider davart in'attatga sin la Siria cura che tuttas infurmaziuns sajan cumprovadas. El ha segirà che la Frantscha n'acceptia segir betg in'escalaziun u x-insatge che donnegiassia la stabilitad en la regiun.

Macron aveva gia pliras giadas smanatschà cun culps militars en la Siria sch'i vegnia duvrà armas chemicas.

Germania sclauda attatgas sin la Siria

La chanzeliera tudestga, Angela Merkel ha entant ditg che la Germania na vegnissia betg a sa participar ad in culp militar cunter la Siria. Dentant vesian e beneventian els tuttas stentas per metter in segn ch'il diever d'armas chemicas na saja betg acceptabel.

RR novitads 15:00