Exteriur - Frantscha: Explosiun en l'ovra atomara Flamanville
En l’ovra atomara da Flamanville ha quai dà la gievgia avantmezdi in'explosiun. Tschintg persunas hajan tissientadas, i na dettia dentant nagins grevblessads. Per la populaziun n'existia nagin privel nuclear, han ditg las autoritads.
En l’ovra atomara da Flamanville datiers dal canal èsi vegnì la gievgia avantmezdi ad ina explosiun. Per la populaziun n'existia nagin privel nuclear, han ditg las autoritads. L'explosiun saja succedida ordaifer il sectur atomar. I sa tracti d'in schabetg tecnic relevant, dentant betg d'in accident atomar.
Tschintg persunas hajan patì da tissientadas, i na dettia dentant nagins grevblessads. In reactur è vegnì serrà giu temporarmain per motivs da precauziun.