Per l'emprima giada ha l'armada franzosa bumbardà miras da la milissa terroristica «Stadi Islamic» en la Siria. Tenor il presidi franzos haja l'armada sgulà sis attatgas or da l'aria encunter in champ da scolaziun da la SI. Questas attatgas sajan stadas coordinadas cun ils partenaris regiunals.
Dapli indicaziuns uffizialas na datti anc naginas. Il president franzos François Hollande aveva annunzià l'entschatta dal mais da laschar far sgols da scleriment sur la Siria che duajan pussibilitar attatgas encunter il Stadi Islamic.
RR novitads 10:00
sda/hs