Siglir tar il cuntegn
Inhalt

Exteriur Fradaglia murdenta en l’America dal Nord

En la provinza canadaisa Ontario èsi vegnì mesirà temperaturas da fin minus 40 grads.

En tschertas parts dals Stadis Unids ed il Canada ha la glieud vinavant da cumbatter cun in'unda da fradaglia. Uschè fraid sco actualmain èsi stà l'ultima giada avant 15 onns.

Privel da schelentadas

Las autoritads canadaisas averteschan perquai da privels: Tar temperaturas da sut minus 35 grads saja da quintar cun schelentadas aifer 10 minutas. Quellas temperaturas procuran per caos. Uschia rapportan pumpiers dad aua schelada ed alloschis per persunas senza tetg han strusch plaz pli.

Dubis davart midada dal clima

Il president american Donald Trump ha però communitgà via Twitter che questa unda da fradaglia saja la cumprova ch'i na stettia betg uschè nausch cun il clima.

RR novitads 06:00