Siglir tar il cuntegn

Exteriur Fomaz en la Nigeria

Las Naziuns unidas alarmeschan ch'ils daners dal program d'agid na tanschian betg. Quai ha ditg in represchentant per l'agid en il pajais african a la gasetta Le Monde.

Ina dunna dat da baiber a ses uffant ch'è sutnutrì.
Legenda: 20 milliuns persunas pateschan actualmain fom en la Nigeria, la Somalia, il Jemen ed il Sudan dal Sid. Keystone

Ils proxims sis mais sajan necessaris passa 240 milliuns francs. Fin ussa haja l'ONU pir survegnì bun in 6avel dals daners empermess. I saja da sa turpegiar sche mo 8 da 195 pajais, ch'èn represchentads en l'ONU, portan 90% dals meds d'agid internaziunals, ha ditg il president da la Crusch Cotschna da la Germania, Rudolf Seiters a la gasetta 'Neue Osnabrücker Zeitung'.

En la Nigeria ed auters pajais africans pateschan actualmain 20 milliuns persunas fom. Il punct culminant da la fomaz vegnia pir ad esser cuntanschì la stad.

En Svizra ha la Chadaina da fortuna rimnà quest'emna passa 10 milliuns francs per cumbatter il fomaz en l'Africa.

RR novitads 18:00