Exteriur - Fomaz en l’Africa – nov appel per donaziuns - Novitads

Exteriur Fomaz en l’Africa – nov appel per donaziuns

Per cumbatter il fomaz en l’Africa lantscha la Chadaina da Fortuna in nov appel per donaziuns. Ils 17,8 milliuns francs che la Chadaina da Fortuna ha enfin uss rimnà na tanschan betg per realisar tut ils projects necessaris per cumbatter il fomaz en l’Africa.

Autur: SDA / Onna Riedi

Dapi l’avrigl ha la Chadaina da Fortuna rimnà 17,8 milliuns francs cunter il fomaz en l’Africa. Per realisar tut ils projects che las organisaziuns d’agid associadas proponan na tanschan quels daners dentant betg. La crisa da mangiativas pericliteschia anc adina milliuns da persunas en quests trais pajais.

Per pudair reagir adequat sin ils conflicts dramatics e la sitgira en la Somalia, il Sudan dal Sid e la Nigeria, dovra quai anc ulteriuras donaziuns. La Chadaina da fortuna spera perquai da survegnir uschè prest sco pussaivel dus fin trais milliuns francs supplementars.