Siglir tar il cuntegn
Inhalt

Exteriur Fin d'alarm a Manchester – Igl è stà in pachet suspectus

Trais dis suenter l'attatga terroristica ad in concert a Manchester era l'armada s'avanzada tar in College a Manchester. Da la scola saja vegnì fatg in clom d'agid, haja la polizia communitgà. Uss è vegnì infurmà ch'i haja sa tractà d'in pachet suspectus.

Purtret dal Buckingham Palace e schuldads armads ch'èn postads davantvart.
Legenda: Suenter l'attatga terroristica a Manchester è il stadi d'urgenza vegnì auzà sin il stgalim il pli aut. Reuters

In'equipa per neutralisar bumbas è stada al lieu. Abitants han immediatamain gì da bandunar la regiun, uschia la polizia. Uss è vegnì finì l'alarm, i haja sa tractà d'in pachet suspectus.

Suenter in'attatga terroristica il mardi saira a Manchester è la citad sin il pli aut stgalim d'avertiment. Là eran mortas 22 persunas e 64 èn vegnidas blessadas curt avant la fin dal concert da la chantadura Ariana Grande.

L'armada sustigna il mument la polizia per chattar ulteriuras persunas involvidas en l'attentat. Gia 10 persunas sajan vegnidas arrestadas enfin uss.