Siglir tar il cuntegn

Header

cuntegn

Exteriur FIFA: Warner vegn suspendì per vita duranta

En connex cun il scandal da corrupziun ha la cumissiun d’etica da la Federaziun internaziunala dal ballape suspendì per vita duranta l’anteriur vice-president Jack Warner, quai communitgescha la FIFA.

Warner haja commess differents delicts durant ses temp sco funcziunari da la FIFA e da la CONCACAF. L’anteriur schef da l’uniun da ballape caribica saja stà in tirafils da sistems ch’hajan lubì da prender encunter daners illegals, hai num en la posiziun.

Liber cunter ina cauziun

Warner era gia il 2011 sa retratg da tut ses uffizis suenter rinfatschas da corrupziun tar las surdadas dispitaivlas dal campiunadi mundial per il 2018 (Russia) ed il 2022 (Katar). Cunter ina cauziun è Warner il mument liber. Il december vegn la giustia da Trinidad e Tabago però a decider davart ina extradiziun pussaivla als Stadis Unids.

RR novitads 14:00

Artitgels legids il pli savens