Cun dus culps ha il burgamester Dieter Reiter avert il prim butschin da biera.Punct las 12:00 hai gì num «Ozapft is». Il primminister Horst Seehofer ha sco usità survegnì l'emprima bira.
Malgrà la plievgia eran gia pliras tschient persunas la damaun baud arrivads sin l’areal « Theresienwiese». Gia avant l’avertura da las 9:00 èn sa furmadas colonnas da spetga. Pervi da l’aura fraida èn blers vegnids cun giacca e parasol. Suenter l’avertura èn ils giasts currids en las tendas da bira.
Suenter l'amoc da Minca e differentas attatgas regian quest onn mesiras da segirezza pli rigurusas. Visitaders na dastgan tranter auter betg prender cun sai satgaods u tastgas pli grondas. E l'areal da festa è per la prima giada serrà giu enturn enturn. A las entradas datti plinavant controllas pli riguruas che fin quà.
RR novitads 15:00