Siglir tar il cuntegn

Header

Navigaziun

La Svizra na tutga betg tar il pajais cun ils blers fugitivs minorens en l'Europa.
Legenda: Ils onns 2008 fin 2013 muntava il dumber da requirents d'asil senz'accumpagnament anc a maximalmain 13'000. Keystone
cuntegn

Exteriur Ferm augment da requirents d'asil minorens en l'UE

L’onn passà èn arrivads quatter giadas dapli fugitivs minorens en l’Uniun europeica ch’il 2014. 88’300 requirents d’asil minorens senz’accumpagnament da la famiglia èn vegnids en l’Europa ed han dumandà per protecziun.

Il dumber da requirents d’asil minorens senz’accumpagnament da lur famiglias è s’augmentà en l’Uniun europeica per il quatterdubel, quai mussan las cifras da l’Uffizi da statistica europeic Eurostat. En tut èn passa 88’300 fugitivs sut 18 onns senza lur famiglias arrivads l’onn passà en l’UE. Il 2014 eran quai anc 23’000 persunas.

La gronda part da persunas minorennas deriva da l’Afghanistan, da la Siria e da l’Eritrea ed èn giuvens (91%). Ils blers minorens senza famiglia avevan 16 u 17 onns (57%). Las bleras dumondas d’asil han survegnì la Svezia (35’300 u 40%) e la Germania (14’400 u 16%). Lura suondan l’Ungaria e l’Austria.

RR novitads 17:00