Siglir tar il cuntegn
cuntegn

Exteriur Facebook n'haja betg stiz cuntegns violents

Cunter il schef e fundatur da Facebook, Mark Zuckerberg e plirs managers dal concern datti investigaziuns en la Germania. Tenor la procura publica dettia ina denunzia d'in advocat.

Purtret dal logo da Facebook.
Legenda: Facebook duai avair cuntrafatg a las leschas tudaistgas. Keystone

L'advocat sez ha ditg ch'i giaja per 440 cuntegns da Facebook cun ina relevanza dal dretg penal sco instigaziun dal pievel, sustegn da gruppaziuns terroristicas e represchentaziun da violenza. Ils collavuraturs da facebook n'hajan betg stizzà ils cuntegns malgrà ch'els avevan enconuschientscha da tals, ha ditg l'adcovat.

In pledader da Facebook ha ditg ch'el na commenteschia betg ina investigaziun eventuala. Las reproschas sajan dentant nunfundadas. Ni Facebook ni in da lur lavurers hajan cuntrafatg a las leschas tudaistgas.

Il minister da giustia tudaistg ha da temp a Facebook enfin il mars 2017 per meglierar ses proceder da cuntrafar a messadis dad odi.

RR novitads 08:00