Siglir tar il cuntegn
cuntegn

Exteriur Facebook e twitter durant ils ultims dis

Sin las plattafurmas da social media dominescha actualmain in tema: Las attatgas da terror dal venderdis passà a Paris.

Via twitter esser infurmà: Là vegnian publitgadas novitads verifitgadas, dentant è famas.
Legenda: Via twitter esser infurmà: Là vegnian publitgadas novitads verifitgadas, dentant è famas. Reuters

Sch’ins guarda sin facebook e twitter dattan duas chaussas en egl, di Konrad Weber, expert da social media tar SRF: Twitter porscha spezialmain novitads dal eveniment. Là vegnian publitgadas novitads verifitgadas, dentant è famas, declera Konrad Weber.

Tar facebook croda spezialmain la solidaritad cun las persunas si. Uschia han ins pudì midar curt suenter ils attentats a Paris, il maletg da profil en las colurs blau-alv-cotschen. Facebook saja la plattafurma ideala per publitgar maletgs simbolics.