Siglir tar il cuntegn

Header

cuntegn

Exteriur Facebook crescha rasantamain

Il concern american ha pudì augmentar tant ses gudogn sco er sia svieuta marcantamain l'ultim quartal.

Il gudogn è sa dublegià sin 3,5 milliardas dollars. La svieuta è s’augmentada per 51% sin 8,81 milliardas dollars cumpareglià cun la medema perioda da l’onn avant. Quai ha communitgà Facebook. Uschia ha la pli gronda rait sociala dal mund pli che surpassà las spetgas dals analists.

Dapli reclama, dapli utilisaders

Il dumber dals utilisaders saja s'augmentà ils ultims trais mais per 79 milliuns sin prest 1,86 milliardas. Quai communitgescha Facebook. La fatschenta principala dal concern è vinavant la reclama. Qua èn las entradas creschidas per 53% sin 8,63 milliardas dollars. Radund 84% derivan da reclamas sin telefonins.

RR novitads 06:00

Artitgels legids il pli savens