Facebook ha annunzià reglas pli severas per reclama cun cuntegn politic. Tgi che vul publitgar tals inserats sin la plattafurma sociala sto en l'avegnir far enconuschent sia identitad e ses lieu d'origin. Quai ha communitgà il schef da Facebook, Mark Zuckerberg.
Vitiers duai tar la reclama politica esser nudà meglier, tgi che paja per quella. Per pudair impedir meglier l'influenza sin elecziuns en l'avegnir, sco tar las elecziuns americanas il 2016, veglia il concern pladir plirs millis collavuraturs novs, uschia Zuckerberg. En sia argumentaziun n'ha il fundatur da Facebook betg prendì posiziun davart il pli nov scandal da datas.
RR novitads 06:00