Siglir tar il cuntegn

Header

cuntegn

Exteriur Extorcader smanatscha da tissientar mangiativas

En Germania emprova in nunenconuschent da pretender uschia plirs milliuns da supermartgàds e drogarias.

audio
Smanatschas da tissientar mangiativas en Germania
ord Actualitad dals 28.09.2017.
laschar ir. Durada: 34 Secundas.

En la Germania emprova in nunenconuschent da pretender plirs milliuns euros da supermartgàds e drogarias cun la smanatscha da vulair tissientar mangiativas. Suenter in indizi dal delinquent ha la polizia chattà a Friedrichshafen, dasper il Lai da Constanza tschintg magiels da nutriment da pops tissientads.

Ils experts han chattà «ethylenglycol» en ils magiels. Gia 30 milliliters da quella substanza pericliteschan la sanadad d'in creschì. La polizia suppona d'avair chattà tut ils magiels pertutgads ma da la smanatscha na sajan betg mo mangiativas da pops pertutgadas. L'extorcader haja smanatschà da tissientar enturn 20 differentas maniativas, uschia il procuratur general.

La polizia ha publitgà maletgs d'in um da circa 50 onns che duai avair purtà ils magiels en fatschentas a Friedrichshafen. En tut èn radund 220 persunas participadas a la tschertga internaziunala da l'um. El vegn era tschertgà en Svizra ed en l'Austria.

RR novitads 16:00

Artitgels legids il pli savens