Las bleras unfrendas dettia tar la minoritad muslima dals Rohingya. Quai ha ditg l’incumbensà spezial da l’ONU per ils dretgs umans en il Myanmar, Yanghee Lee. La regenza inditgescha il dumber d'unfrendas cun radund 500. En il stadi federativ Rakhine èn l'armada ed ils rebels dals Rohingya en grevs cumbats.
Ils Rohingya valan sco ina da las minoritads las pli persequitadas sin il mund, ha ditg Lee. L’ONU stima che passa 164'000 persunas – ils blers da quels Rohingya – sajan fugidas las ultimas duas emnas dals cumbats en il pajais vischin Bangladesch.
RR novitads 11:00