Da duas attatgas èn passa 100 persunas vegnidas mazzadas a Mogadischu, la chapitala da la Somalia. Quai rapporta l’agentura da novitads Reuters che sa referescha ad indicaziuns dal president dal pajais en l’Africa da l’Ost. Autras funtaunas discurran da radund 30 unfrendas. Las attatgas sajan capitadas davant il ministeri da furmaziun, ha communitgà la polizia.
Al-Shabaab para responsabla per las attatgas
La milissa islamistica Al-Shabaab pretenda dad esser responsabla per la mazzacrada. La milissa terroristica attatga savens la populaziun civila, funcziunaris guvernativs, glieud da fatschenta ed er schurnalists. Dapi plirs mais ha la regenza lantschà ina offensiva militara cunter Al-Shabaab.