Siglir tar il cuntegn
Inhalt

Exteriur Evità in'attatga terroristica a Mecca

La polizia da l’Arabia Saudita ha pudì evitar l’ultim mument in’attatga sin la Gronda moschea a Mecca.

La Gronda moschea a Mecca.
Legenda: La Gronda moschea a Mecca. Keystone

En l’Arabia Saudita han las autoritads tschiffà in attentader da suicidi, che duai avair planisà in’attatga sin la Gronda moschea a Mecca. Durant arrestar l’attentader haja quel laschà siglientar material explosiv, uschia ch’in bajetg datiers da la moschea saja crudà ensemen. Quai ha communitgà il ministeri intern da l’Arabia Saudita.

Cun arrestar l’attatgader èn 6 persunas da l’exteriur e 5 policists vegnids blessads. En connex cun l’attatga han forzas da segirezza da l’Arabia Saudita arrestà 5 persunas. En mira da l’attatga sajan stads cartents enturn la moschea. Il venderdi èn blers muslims sa radunads a Mecca pervia da la fin dal mais da curaisma Ramadan.

RR novitads 08:00