Siglir tar il cuntegn
cuntegn

Exteriur Evacuà la Sagrada Familia - alarm fauss

A Barcelona ha la polizia evacuà la Sagrada Familia. L'entir territori enturn la baselgia renomada è vegnì rumì. Entant ha la polizia communitgà ch'i saja stà in fauss alarm.

baselgia Sagrada Familia a Barcelona
Legenda: La baselgia Sagrada Familia vegn visitada mintg'onn da milliuns umans. Keystone

Passants ed abitants èn vegnids supplitgads da guntgir il territori e pliras vias e staziuns da metro èn vegnidas serradas durant l'acziun d'anti terror da la polizia.
La Sagrada Familia è in magnet da turists. Mintg'onn visitan plirs milliuns turists la baselgia da l'architect Gaudi.
L'avust hai dà in'attatga terroristica a Barcelona. In um giuven è charrà en la fulla da glieud en Las Ramblas. 16 persunas èn mortas e 120 blessadas. Intgins dis suenter è vegnì enconuschent ch'ils attentaders avevan planisà anc ulteriuras attatgas, tranter auter sin la Sagrada Familia.

RR novitads 23:00