Europeans baivan e fiman il pli bler

La WHO alarmescha pervi dal consum d'alcohol e cigarettas en l'Europa. Nagliur sin il mund vegn fimà e bavì alcohol uschè bler sco en l'Europa. Els sajan campiuns mundials, e quai na saja betg in bun record, ha ditg Claudia Stein, la represchentanta da la WHO.

3 persunas grassas van a pe

Legenda da maletgs: En l'Europa patteschan adina dapli persunas vid la surpaisa. Keystone

En l'Europa dettia bainbaud uschè bleras persunas cun surpaisa sco en ils Stadis Unids. Tenor las retschertgas da la WHO han stgars 60% da las persunas surpais e 30% fiman. Vitiers è il consum d'alcohol pur per chau ed onn sin 11 liters.

I dat dentant era bunas novas. En l’Europa moran adina pli paucas persunas anticipadamain vid malsognas, quai scriva l’organisaziun mundiala per sanadad WHO en ses rapport da la sanadad europeica 2015. Problems cun la circulaziun e malsognas dal cor, cancer e malsognas cronicas mainan adina pli pauc a la mort, scriva la WHO. La mortalitad tar uffants pitschens gist naschids è uschè bassa sco anc mai. Tenor la WHO pudessan dentant anc dapli mortoris vegnir evitads.

RR novitads 09:00