Etiopia: Polizia mazza passa 400 persunas

Policists dal pajais ostafrican duajan avair mazzà pliras tschient persunas durant protests dapi il november passà.

Demonstrants africans.

Legenda da maletgs: Ils demonstrants teman ch'il terren vegn exproprià e che numerus purs perdan uschia lur terren. Reuters

Quai resulta dad in'examinaziun da l'organisaziun per ils dretgs umans «Human Rights Watch». Vitiers èn pliras dieschmilli persunas vegnidas arrestadas. Ils protests en la regiun Oromia enturn la chapitala Addis Abeba sa drizzan en emprima lingia cunter ils plans d'extensiun da la citad.

Ils demonstrants teman ch'il terren vegn exproprià e che numerus purs perdan uschia lur terren. Ils policists hajan sajettà sin tschients students, purs ed auters demonstrants paschaivels, uschia statti en il rapport.

RR novitads 06:00