Tenor ina glista da rangaziun da la gasetta «Times» sa chatta l'ETH da Turitg sin plazza 19. Ella è uschia la scol'auta cun la meglra reputaziun da l'Europa continentala. En cumparegliaziun cun l'onn passà ha ella però pers 4 plazs.
$En l'Europa rangheschan sulet las universitads dad Oxford e Cambridge e l'Imperial College London avant l'ETH da Turitg. L'ETH da Losanna sa chatta sin plazza 48. A la testa è l'universitad americana Harvard. Per la rangaziun èn vegnids dumandads passa 10'000 scienziads da 133 pajais.
RR novitads 06:00