Siglir tar il cuntegn
cuntegn

Exteriur Eroports da Bali e Lombok èn serrads

Suenter ch'in vulcan è rut ora en l'Indonesia è vegnì serrà l’eroport internaziunal sin l’insla Bali. Tschients da turists bloccads hajan campà en il bajetg da l'eroport, uschia las autoritads.

Tschients da turists èn bloccads sin ils eroports internaziunals en l'Indonesia.
Legenda: Tschients da turists èn bloccads sin ils eroports internaziunals en l'Indonesia. Keystone

Ordavant eran gia vegnids serrads 4 ulteriurs eroports, tranter quels er l’eroport internaziunal da l’insla Lombok. Il vulcan Raung sin l'insla vischina Java spida dapi il zercladur fim e tschendra.

Suenter in'erupziun zunt privlusa teman las autoritads nivels da tschendra privlus en autezzas nua ch'aviuns sgolan tras. Per il mument n'èsi anc betg cler, cura ch'ils eroports vegnan puspè averts. La situaziun vegnia però survegliada permanentamain, communitgeschan las autoritads.

RR novitads 10:00