Siglir tar il cuntegn
cuntegn

Exteriur Eroport da Hamburg ha stuì sistier il manaschi

Sco las autoritads han communitgà, è la raschun ch'il current electric crudà or.

A millis da passagiers n'è restà nagut auter che da spetgar.
Legenda: A millis da passagiers n'è restà nagut auter che da spetgar. Keystone

Tranter auter n'han las annunzias e l'entir sistem da ventilaziun betg funcziunà. La controlla da segirtad è medemamain stada ord funcziun. Millis da passagiers avevan spetgà pliras uras avant ils bajetgs da l'eroport cun la speranza ch'il sbagl tecnic vegnia anc schlià.

Tenor indicaziuns da l'eroport èn probabel passa 30'000 passagiers pertutgads dal disturbi. Er sgols vers e da la Svizra èn stads pertutgads. A Turitg èn 12 sgols vegnids annullads, a Basilea Mullhouse 2 sgols.

Actualmain n'èsi anc betg cler sche l'eroport po puspè avrir glindesdi.

RR novitads 18:00