Quai ha Erdogan ditg envers l'agentura da novitads russa Itar Tass.
I duaja dar in cumenzament nov istoric. Ils discurs cun ses ami Putin duajan avrir in nov chapitel. Ils dus pajais pudessan cuntanscher ina massa cun collavurar, ha Erdogan punctuà.
Il conflict en la Siria divida entant anc adina ils dus pajais. Erdogan è in adversari dal reschim sirian. La Russia per encunter sustegn il reschim. La fin november 2015 aveva la Tirchia sajettà giu in aviun bumbardader sin il cunfin cun la Siria. Moscau aveva sinaquai decretà sancziuns massivas cunter Ankara. La fin dal zercladur aveva Erdogan deplorà il cas en ina brev.
RR novitads 9:00