L'armada stoppia numnadamain trair consequenzas seriusas dal putsch, uschia Erdogan en in'intervista cun l'agentrua da novitads Reuters. Fin uss èsi gartegià a l’armada tirca da cupitgar trais regenzas numnadamain ils onns 1960, 1971 e 1980. Questa giada n’è quai per l’emprima giada en l’istorgia dal stadi betg gartegià.
Critica da l'UE
L'incumbensada per affars da l'exteriur da l'Uniun europeica, Federica Mogherini, ha ditg ch'il cumportament da la regenza da la regenza tirca saja per part inacceptabel. Quai pertutgia cunzunt las mesiras en ils secturs da furmaziun, giustia e medias.
A las universitads èn 1'500 manaders da facultad vegnids sfurzads da demissiunar Plinavant ha il president tirc Recep Tayyip Erdogan relaschà u suspendì radund 50'000 collavuraturs dal servetsch public. Er il secretari general da l'ONU, Ban Ki Moon, ha appellà al pajais da resperctar ils dretgs umans.
Er consequenzas per Tircs en Svizra
Il president tirc fa responsabel il precdicatur Fethullah Gülen per l'emprova da putsch. Perquai ha tranter auter il ministeri da furmaziun tirc gia relaschà 15'000 aderents dal moviment da Gülen. Tenor l'ambassadur tirc, Volkan Karagöz ston er ils Tircs che vivan en Svizra quintar cun pass giuridics sch'els èn commembers dal moviment da Gülen.
RR novitads 08:30
