Siglir tar il cuntegn
Inhalt

Exteriur Erdogan: muslims èn sut squitsch

Durant sia visita en ils Stadis Unids da l'America ha il president tirc Recep Tayyip Erdogan assistì a la consecraziun d'ina nova moschea finanziada da la Tirchia. E là è el sa lamentà da las reacziuns negativas envers l'islam suenter attatgas d'extremists.

Il president tirc Recep Tayyip Erdogan.
Legenda: Il president tirc Recep Tayyip Erdogan sa drizza a muslims americans. Keystone

Il temp saja difficil per muslims, els sajan chastiads dal terrorissem en tut il mund, ha Erdogan ditg. Ed ils muslims pajan il pretsch da la disfidanza pervi d'in pèr paucs terrorists. Il terrorissem n’haja dentant nagina religiun.

Erdogan crititgescha Trump

Crititgà ha Erdogan era la retorica provocanta da tscherts candidats per il presidi american. Il candidat dals Republicans Donald Trump aveva pretendì suenter in’attatga islamistica en la California avant in pèr mais da scumandar a tuts muslims da pudair entrar en ils Stadis Unids da l’America.

RR Novitads 06:00