Siglir tar il cuntegn

Header

Navigaziun

purtret d'in telescop
Legenda: Scienziads giuvens talentads survegnan sustegn da l'ERC. Keystone
cuntegn

Exteriur ERC sustegna 20 perscrutaders giuvens en Svizra

Il Cussegl da perscrutaziun da l’Uniun europeica ERC ha surdà ses premi «Starting Grants». Cun quel sustegna el perscrutaders giuvens a moda finanziala. Dals total 325 premiads lavuran er 20 en universitads svizras. Els survegnan fin a 1,5 milliuns euros per lur projects.

Tranter auter survegn la politologa Silja Häusermann da l'universitad da Turitg 1,5 milliuns euros per ses project «conflicts da distribuziun dals stadis socials», Andreas Fichtner, professur assistent per la seismologia a l'ETH Turitg survegn ses «Starting Grant» per ch'el e sia gruppa po analisar a moda traidimensiunala las undas da terratrembels.

Tenor l’ETH Turitg è quest premi fitg dumandà tar ils perscrutaders giuvens. Il mument n’èsi dentant betg cler sche la Svizra po er l’auter onn profitar da quel. La Svizra sto esser commember cumplain dal program da perscrutaziun «Horizon 2020». L'associaziun cumplaina dependa dentant da l'extensiun da la libra circulaziun da persunas sin la Croazia. Il protocol da la Croazia n'è anc betg ratifitgà.

RR novitads 15:00