Siglir tar il cuntegn
Inhalt

Exteriur Er la Tschechia rinforza controllas al cunfin

Er la Tschechia rinforza sias controllas al cunfin cun l'Austria. Quai sco reacziun sin l'annunzia da la Germania da reintroducir las controllas al cunfin. Sco quai giaja vinavant, dependia dal dumber da fugitivs che guntgeschia sin la ruta sur la Tschechia, ha ditg il minister da l'intern chec.

Bainprest datti puspè controllas als cunfins tranter la Tschechia e l’Austria.
Legenda: Suenter la Germania Bainprest datti puspè controllas als cunfins tranter la Tschechia e l’Austria. Keystone

Avant aveva il schef da regenza tschec Bohuslav Sobotka refusà da reparter ils fugitivs tenor quotas liantas sin tut ils stadis-commembers da l'UE. Ils ministers da l'intern da l'UE s'inscuntran oz en chaussa ad in inscunter extraordinari.

Als cunfins dovria quai puspè urden

La Germania ha annunzià ier dumengia da puspè far controllas al cunfin. Per quant ditg, ha il minister da l'intern tudestg Thomas de Maizière lascha avert. Als cunfins dovria quai puspè urden. La situaziun giuridica lubeschia temporarmain talas controllas or da motivs da segirtad publica, ha ditg de Mazière envers l'emettur ARD. Quai ha er confermà la cumissiun da l'UE.

La mesira che la Germania controlleschia ils cunfins cun l'Austria saja in signal a l'Europa, da reparter ils fugitivs a moda solidarica.

RR novitads 06:00